Um viðburðinn

ADHD (IS)
Þriðjudaginn 26. ágúst kl. 21:00
Harpa, Norðurljós
Kvöldpassi

Kvöldpassi er í boði öll kvöld hátíðarinnar í Hörpu en hann veitir aðgang að öllum tónleikum viðkomandi kvölds. Allir tónleikar fara fram í Norðurljósasal á 2. hæð. Ekki er selt inn á staka tónleika á kvölddagskrá í Hörpu.

ADHD gaf út níundu hljómplötu sína í október 2024 og mun fylgja henni eftir með tónleikaferðalögum hérlendis og erlendis í ár. Þar á meðal mun hljómsveitin einnig koma fram á tónleikahátíðum á meginlandinu.

9. hljómplatan er að koma út hjá þýska útgáfufélaginu Enja/Yellowbird og er það í fyrsta skipti sem að erlent plötufyrirtæki gefur út og fær útgáfan jafnframt kynningu í þýskumælandi jazztímaritum og fjölmiðlum. Hljómplatan var tekið upp í Castle Studios í Dresden í október 2023.

ADHD hefur verið starfandi frá árinu 2007, en þá kom hljómsveitin saman til að spila á Hammond hátíðinni á Höfn í Hornafirði.
Fyrsta hljómplata sveitarinnar kom út árið 2009 og var hún kynnt með tónleikum á Jazzhátíð Reykjavíkur í Hafnarhúsinu.

Meðlimir sveitarinnar eru þeir Magnús Trygvason Elíassen sem spilar á trommur, Ómar Guðjónsson sem spilar á gítar, pedal steel og bassa, Óskar Guðjónsson sem spilar á saxofóna og Tómasi Jónssyni sem spilar píano, hammond og ýmis önnur hljóðfæri.
Hljómsveitin hefur verið tilnefnd til Íslensku tónlistarverðlaunanna fyrir flestar sínar plötur og hefur hreppt þau sex sinnum í gegnum tíðina.

Hljómsveitin mun á komandi ári leggja drög að tíundu hljómplötu sinni og verða þeir drengir nýkomnir úr upptökum þegar að Jazzhátíð Reykjavíkur fer fram þ.a. líklega munu þeir frumflytja nýtt efni á hátíðinni.