Um viðburðinn

O.N.E. (PL)
Föstudagurinn 29. maí kl. 21:00
Harpa, Norðurljós
Kvöldpassi*

Pólska hljómsveitin O.N.E. leikur frumsamda djassmúsík. Meðlimir O.N.E. eru: Patrycja Wybrańczyk á trommur, Kateryna Ziabliuk á píanó, Kamila Drabek á kontrabassa og Monia Muc á altó saxófón. Þær eru stoltar af því að vera konur í djassi og að leggja sitt af mörkum til að ryðja braut fyrir næstu kynslóðir kvenna í tónlist.
Hljómsveitin hefur gefið út tvær plötur: One (2020), sem var tilnefnd til FRYDERYK-verðlaunanna, hlaut Jazz Óskarinn á Grand Prix Jazz Melomani Gala í flokknum Jazz Hope og var valin best í sama flokki af lesendum Jazz Forum; og Entoloma (2022), sem markar áframhaldandi þróun á einstökum og djörfum stíl sveitarinnar.
O.N.E. hefur komið fram á virtum djasshátíðum í Evrópu og víðar, þar á meðal Athens Jazz Festival, Polska Jazz Festival í Búdapest, B-Jazz í Belgíu, Jazzahead í Bremen, Tallinn Music Week í Eistlandi, Umeå Jazz Festival í Svíþjóð og FiraB! á Mallorca, auk fjölmargra hátíða í Póllandi.
Í apríl 2024 skipulagði sveitin tónleikaferðalag og vinnusmiðjur í fjórum borgum í Úkraínu sem hluti af EJN Green Pilot Tour verkefninu – og sýnir þar með ekki aðeins listrænt frumkvæði heldur einnig félagslegan og alþjóðlegan samhug.

*Kvöldpassi er í boði öll kvöld hátíðarinnar í Hörpu en hann veitir aðgang að öllum tónleikum viðkomandi kvölds. Allir tónleikar fara fram í Norðurljósasal á 2. hæð. Ekki er selt inn á staka tónleika á kvölddagskrá í Hörpu.