Um viðburðinn

Nemendatónleikar MÍT
Bird Reykjavík
Laugardagurinn 30. ágúst kl. 17:00
Ókeypis aðgangur

Stórsveit Menntaskóla í Tónlist kemur fram á Jazzhátíð
Reykjavíkur 2025

Stórsveit Menntaskóla í Tónlist (MÍT) stígur á stokk á
Jazzhátíð Reykjavíkur laugardaginn 30. ágúst kl. 17:00 á  MÍT
Showcase tónleikum sem fara fram á Bird Reykjavík. Stjórnandi er
Samúels Jón Samúelsson.

Stórsveitin hefur verið afar virk á síðasta starfsári og komið
víða fram. Meðal annars má nefna eftirminnilega tónleika í
Jazzþorpinu í Garðabæ síðastliðið vor og glæsilega sameiginlega
dagskrá með Sankt Annæ Bigband frá Kaupmannahöfn í húsakynnum
skólans í Rauðagerði 27. Með þessum viðburðum hefur sveitin
styrkt sig bæði listrænt og félagslega og sýnt hversu öflugur
vettvangur hún er fyrir unga, metnaðarfulla jazztónlistarmenn.

Á efnisskránni að þessu sinni verða verk eftir ýmsar kanónur úr
sögu stórsveitartónlistar. Þar má nefna Thad Jones, Sammy Nestico
og Don Ellis — auk frumsaminna verka eftir stjórnanda sveitarinnar,
Samúel Jón Samúelsson. Á tónleikunum má búast við krafti,
sköpunargleði og sannkallaðri tónlistarveislu fyrir alla unnendur
jazz og stórsveitartónlistar.

Ókeypis aðgangur.