Kvartett Maríu Magnúsdóttur

Um viðburðinn

Jazzhátíð Reykjavíkur og Center hótel bjóða upp á gleðistund (happy hour) á Jörgensen Kitchen & Bar.

Kvartett Maríu Magnúsdóttur leikur uppáhalds lög og jazzstandarda í eigin útsetningum. Kvartettinn skipa þau Hjörtur Ingvi Jóhannsson sem leikur á píanó, söngkonan María Magnúsdóttir, Svanhildur Lóa Bergsveinsdóttir sem spilar á trommur og Sigmar Þór Matthíasson sem leikur á kontrabassa.

Söngkonan María Magnúsdóttir er mörgum kunn. Hún kom fram á jazzhátíð Reykjavíkur árið 2019 með prógram til heiðurs söngkonunnar Anita O’Day, í maí sama ár kom hún fram ásamt alþjóðlegri hljómsveit á Hamburg Jazz Festival. María lærði jazz söng til bakkalár í Konunglega tónlistarháskólanum í Haag, Hollandi. María kemur reglulega fram bæði sem jazzsöngkona, en oftar en ekki flytur hún eigin tónlist undir listamannsnafninu MIMRA.

Kvartettinn skipar einvala lið tónlistarmanna sem hafa hver um sig verið áberandi í jazzsenunni undanfarin ár, bæði í útgáfu eigin verka og í tónlistarflutningi. Á efnisskránni verða uppáhaldslög hljómsveitarinnar í eigin útgáfum, sem og jazzstandardar sem bandið mun bera fram af kostgæfni.

 

María Magnúsdóttir : söngur
Hjörtur Ingvi Jóhannsson : píanó
Svanhildur Lóa Bergsveinsdóttir : trommur
Sigmar Þór Matthíasson : bassi

 

📸 Birta Rán Björgvinsdóttir

Sjá alla viðburði