Dagur 1

Því miður vantaði nokkur atriði inn á síðu TIX í gær sem eru alveg ómissandi (eins og allt á Jazzhátíð) en það er búið að kippa því í liðinn. Flest atriðanna sem vantaði eru á opnunarkvöldi hátíðarinnar miðvikudaginn 5. september. Að sjálfsögðu verður skrúðgangan á sínum stað og við segjum nánar frá henni þegar nær dregur. Um kvöldið eru alls fernir útgáfutónleikar á tvennum stöðum, í Hannesarholti og Tjarnarbíó sem hefjast kl 19:30 og 21:30

Í Hannesarholti fagnar píanistinn Agnar Már Magnússon nýrri útgáfu, Hending, með gítarleikaranum Lage Lund. Lund er norskur en hefur verið í framvarðarsveit New York jazzsenunnar um árabil. Þeir félagar leika tvö sett og selt er inn á hvort settið fyrir sig, þ.e. kl 19:30 og svo kl 21:30. Sjá nánar á síðu Jazzhátíðar

Í Tjarnarbíói verða tvennir útgáfutónleikar og ríður píanistinn Ingi Bjarni Skúlason á vaðið með sínu tríó. Ingi Bjarni er ekki bara að fagna nýrri útgáfu heldur útgáfusamning við Dot Time Records sem gerir út frá New York. Við óskum Inga Bjarna hjartanlega til hamingju með þennan merka áfanga. Með honum leikaBárður Reinert Poulsen frá Færeyjum á kontrabassa og Magnús Trygvason Eliassen á trommur. Sjá nánar á síðu Jazzhátíðar

Seinna útgáfutónleikarnir í Tjarnarbíói eru með kvartett trommuleikarans Scott McLemore. Með honum leika Frakkarnir Pierre Perchaud á gítar og Nicolas Moreaux á kontrabassa og Hilmar Jensson leikur einnig á gítar. Fjórmenningarnir vefa í kringum hvern annan á lýrískan og þokkafullan máta sem lokkar hlustandann inn í litríkt ferðalag. Sjá nánar á síðu Jazzhátíðar

Smellið á YouTube slóðirnar hér fyrir neðan til að heyra tóndæmi.
Við minnum svo á afsláttarpakka á 4, 6 eða 8 tónleika fyrir þá/þær sem ætla að vera dugleg(ir) að mæta.  Miðasala er á Tix.is og dagskrána má skoða á reykjavikjazz.is

Miðasalan er opin…

Jazzhátíð Reykjavíkur verður með breyttu sniði í ár. Hátíðin kveður Hörpu og jazzinn mun duna á nokkrum skemmtilegum stöðum í borginni 5-9 september. Ólíkt síðstu árum verður enginn passi í boði en þess í stað verður hægt að kaupa miða á staka tónleika og í boði eru afsláttarpakkar á 4, 6 eða 8 tónleika. Það er deginum ljósara að uppselt verður á einhverja viðburði þegar aðeins eru í boði t.d. 70 eða 180 miðar svo að við vildum gefa þér séns á að tryggja þér miða áður en við tilkynninum þetta opinberlega.

Það stendur til að senda út nokkra pósta á næstunni til að kynna dagskrána sem best en byrjum á að kynna til leiks gítarleikarann Ralph Towner frá Bandaríkjunum. Towner mun leika einleik á klassískan gítar í Tjarnarbíó föstudaginn 7. september kl 21:30. Hvort sem hann leikur lög úr jazz biblíunni eða sínar eigin tónsmíðar nær hann á einstakan máta að sýna hinar fjölmörgu liti og töfra sem nylon strengja gítarinn býr yfir og hver nóta syngur af innlifun og dýpt.

Fyrr um kvöldið, eða kl 19:30 verður hljómsveit Sigmars Þórs Matthíassonar, Áróra, með útgáfutónleika í Tjarnarbíói og í Iðnó verða tvennir tónleikar, fyrst útgáfutónleikar tríósins NOR undir stjórn bassaleikarans Richard Andersson og svo sextett sellóleikarans Þórdísar Gerðar Jónsdóttur.

Miðasala er á Tix.is og dagskrána má skoða á reykjavikjazz.is